Qostanaı oblysynda sońǵy bes jylda bala týý sanynyń deńgeıi tómen túsken. 2016 jyly 12 535 náreste dúnıege kelse, 2017 jyly onyń sany 11 733 bolǵan. Demek, byltyr aldyńǵy jylǵa qaraǵanda 802 bala az týǵan.
Sonymen qatar 2017 jyly shetinegen sábıdiń sany da mejedegiden artyq, 1000 balaǵa shaqqanda 10,65 bolǵan. Bes jasqa deıingi bala ólimi ótken jyly ár myń balaǵa shaqqanda 12,3 qurady. Bul kórsetkish 2016 jyly 10,3 bolsa, respýblıkada –9,8 boldy. Náreste ólimi Arqalyq qalasynda 24,7 (18), Taran aýdanynda 21,6 (7), Áýlıekólde 20,7 (9) bolǵan. Oblys kórsetkishinen de asyp túsken.
Densaýlyq saqtaý basqarmasynyń alqa májilisinde oblys ákimi Arhımed Muhambetov jańa týǵan náreste óliminiń joǵary bolýyn qatty synady. Taran, Áýlıeýkól aýdandary men Arqalyq qalasy aýdandyq, qalalyq aýrýhanasy bas dárigerlerine qatty eskertý jasady, aldaǵy ýaqytta jaǵdaıdy túzeýdi tapsyrdy.
Názıra JÁRIMBET,
«Egemen Qazaqstan»
Qostanaı